Kurso pa sa ki téknika usa durante un interogashon.
Komishon enkuesta Hospital Nobo Otrobanda di Parlamento di Kòrsou, a kaba ku e tanda di kombersashonnan konfidensial. For di desèmber 2023 a papia ku diferente persona di interes. Ta purbando pa sa dikon konstrukshon di e e hospital nobo a kosta hopi mas ku a pensa.
Tambe e miembronan di e komishon a sigui un kurso pa sa ki téknika usa durante un interogashon. Esaki pa nan ta prepará pa e kombersashonnan públiko ku ta kuminsá pronto.
Tur partisipante a haña e kurso hopi balioso.
“ Un logro grandi,” presidente di e komishon Eduard Braam a bisa ora ela risibí su sertifikado. Ela haña sosten di Giselle Mc William ku ta vise-presidente di e komishon. “ E kurso a habri mi wowo.” Ela siña kiko tur tin ku tene kuenta kun’é ora ta interogá. “ Esaki no ta parti di e trabounan diario. Ta táktikanan pa saka mas informashon for di un persona.”
Michelangelo Martines:“ Mi a siña kon strukturá, kon kuminsá i kon terminá ku e kombersashon.” Pa Ana-Maria Pauletta tabata balioso pa profundisá un kombersashon. “ E tono, e manera di komuniká sin palabra i kon analisá un persona. Ripará ora un persona emoshoná.” E kurso ku e miembronan tabata balioso pa sa otro su puntonan fuerte i débil. Pa aweró sosten’é otro.