Komishon enkuesta HNO ta kuminsá ku enkuesta Parlamentario

Komishon enkuesta HNO ta kuminsá ku enkuesta Parlamentario relashoná ku desishonnan i konstrukshon di Hospital Nobo.

Djamars 22 di novèmber 2023, Durante un konferensia di prensa, Komishon enkuesta HNO a duna un splikashon tokante nan tareanan i e proseso di investigashon.

E komishon a haña komo tarea pa investigá 5 tópiko. Ta trata entre otro di e desishon pa traha e hospital na un otro sitio. Tambe lo buska pa sa kon e desishonnan a keda tumá den Gobièrnu i e transishon di e hospital bieu pa esun nobo.

E komishon HNO ta konsistí di 6 Miembro di Parlamento; kada Frakshon tin un representante. E miembronan ta: sr. Michelangelo Martinez, sr. Rennox Calmes, sr. Gwendell Mercelina, sra. Ana-Maria Pauletta, sra. Giselle McWilliam i presidente di e komishon sr. Eduard Braam. Un tim di spesialista ta sostené e komishon.

Galeria di Portrèt