Interogashonnan di Komishon HNO ta sigui 11 di mart
Komishon enkuesta Hospital Nobo Otrobanda (KeHNO) ta sigui den siman di 11 di mart ku interogashonnan públiko. Pa e motibu ei parlamentario Eduard Braam, ku ta presidente di e komishon, a skòrs ofisialmente e investigashon djabièrnè anochi. Esaki tabata despues di a skucha e delaster testigu den sala di parlamento di Kòrsou.
Komishon enkuesta Hospital Nobo Otrobanda (KeHNO) ta sigui den siman di 11 di mart ku interogashonnan públiko. Pa e motibu ei parlamentario Eduard Braam, ku ta presidente di e komishon, a skòrs ofisialmente e investigashon djabièrnè anochi. Esaki tabata despues di a skucha e delaster testigu den sala di parlamento di Kòrsou.
Ta hopi informashon a bini dilanti kaba den e siman ku e Komishon enkuesta HNO a kuminsá ku interogashonnan públiko. A skucha diesshete persona ku a tira un bista riba ken, na kua momento, a tuma desishon tokante konstrukshon di e hospital. P’esei e komishon ta hopi satisfecho kon e investigashon ta kanando. Tambe ku e koperashon di esnan ku a aparesé kaba komo testigu.
Galeria di portrèt
E interogashonnan públiko di Komishon enkuesta HNO ta sigui djaluna 11 di mart 2024. Den e siman ei tin diferente enkuentro planiá. Tur esnan ku lo interogá ta tesigunan, ku di un òf otro forma, tabata karga responsabelidat durante konstrukshon di e hospital nobo na Otrobanda. Ta trata entre otro di diferente èks mandatario ku lo skucha. Nòmber di esnan ku lo aparesé komo testigu den sala di parlamento, lo keda anunsiá después.
Por bolbe mira tur e interogashonnan ku a tuma luga den e siman di 26 di febrüari riba https://www.parlamento.cw. Komunidat tambe por duna su opinion tokante e trabounan di e Komishon enkuesta HNO. Riba e paginanan di ret sosial di e Komishon enkuesta HNO por skèn e ‘QR code’ pa yega na e enkuesta pa públiko. Mas informashon tokante e komishon por haña riba e wèpsait kehno.parlamento.cw