Enkuentronan ku pueblo un éksito pa Komishon enkuesta HNO
Willemstad – E promé siudadano ku tin informashon adishonal pa e Komishon enkuesta HNO, a mèldu na e sekretariat di e komishon. Esaki a sosodé durante un di e dos enkuentronan ku e komishon a organisá djasabra último. Esaki ta mustra e balor pa konsultá ku pueblo. Skucha, kontestá pregunta i informá tokante e proseso di enkuesta tabata e intenshon pa organisá e enkuentronan ku públiko.
Skucha, kontestá pregunta i informá tokante e proseso di enkuesta tabata e intenshon pa organisá e enkuentronan ku públiko. Asin’ei e komishon ta enbolbí komunidat den e enkuesta. Ta na e momentunan akí por topa siudadanonan ku di un òf otro manera ta sinti nan mes perhudiká. Presidente di e komishon Eduard Braam, a bolbe infatisá ku e enkuesta no ta un tribunal. “ Nos ke pa e hechonan ta konosí.”
Eduard Braam durante e enkuentronan a haña sosten di e miembronan Giselle McWilliam, Ana-Maria Pauletta i Gwendell Mercelina. E otro dos miembronan di e komishon, Rennox Calmes i Michelangelo Martines, lastimá no por tabata tei.
